Poesia dialettale – Omaggio al compianto Prof. Francesco Mazzè da San Nicola da Crissa

 

Lu cummerciu de li ‘zzappi

Lu cumpare Pinucciu si cridìa,
ca fa’ cummercio aguannu cu la zappa,
e na vintina, fora, nd ‘ esponìa,
ma cui passava si mentìa mu scappa:
pe’ quantu li dunava a bonu prezzo,
pe’ mu nde vinde no’ ci fude verzo!

Allora chi ci passa pe’ la mente?
a cui la zzappa a tempo s’accattava,
a modo pe m’attira lu criente,
na buttiglia de vinu rigalava.
M’ognunu lu rigalu pretendìa,
ma de la zzappa sinde strafuttìa!

Pecchì la gente ccà è fatigatura:
li zzappi sugnu tutti mpisi ancora!
E l’atra sira, all’ura de chiusura,
Pinucciu si li scorda tutti fora!
Preoccupatu, si rivigghia all’arva,
pensandu ca ci ficeru la varva!

Comu nu lampu allu nigozio junta.
Li zzappi vide Pinu ancora ‘mpisi!
Li scrocca, e poe si mente mu li cunta:
cui mai toccàu na zzappa a stu paisi?
Si cridìa ca l’arrobbau corcunu:
de vinti zzappi nde trovàu vintunu!

 

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...